Նախընտրելի
Հայաստանում ԼԳԲՏ (լեզբի, գեյ, բիսեքսուալ, տրանսգերնդեր) համայնքի ներկայացուցիչների նկատմամբ խտրական մոտեցումը շարունակվում է, քանի որ Հայաստանում չկա խտրականության դեմ օրենք: Այս մասին այսօր՝ փետրվարի 24-ին, լրագրողների հետ հանդիպմանն ասաց «Նոր սերունդ» մարդասիրական ՀԿ-ի նախագահ Սերգեյ Գաբրիելյանը:
«Հայաստանում շարունակվում է խտրական դրսեւորումը նույնասեռական անձանց հանդեպ: Դա գալիս է Ռուսաստանի Դաշնությունից, այնտեղից եկած պրոպագանդան է այստեղ գործում, եւ այն ինչ այսօր կատարվում է մեր հասարակությունում բացասական երեւույթ է, որը տեղական եւ միջազգային ոչ մի ակտում չի տեղավորվում»,-ասաց նա:
«Նոր սերունդ» մարդասիրական ՀԿ-ի իրավաբան Արթուր Մակարյանը եւս նշեց, որ Հայաստանում նույնասեռական անձանց դեմ խտրական վերաբերմունքի վերացման համար անհրաժեշտ է ընդունել «Խտրականության մասին» օրենքը:
« Խտրականության մասին օրենքի ընդունման անհարժեշտություն կա, քանի որ որեւէ իրավական ակտում հստակ չի մատնանշվում բռնության ենթարկված անձանց իրավունքների մասին եւ միայն տվյալ օրենքի ընդունումը կարող է իրավիճակը շտկել»,-ասաց նա:
