Փետրվարի 1-ին, ժամը 19.55-ին, ոստիկանության Երեւան քաղաքի վարչության օպերատիվ կառավարման կենտրոն էր զանգահարել 1996 թ. ծնված Լիանա Ե.-ն եւ հայտնել, որ գողացել են դրամապանակը, որի մեջ եղել է կանխիկ գումար, անձնագիրը եւ սոցիալական քարտը:

Ոստիկանության մամուլի ծառայությունից հայտնում են, որ մեկնած օպերատիվ խումբը պարզել է, որ աղջկա դրամապանակը պայուսակից գողացել են թիվ 67 երթուղու ավտոբուսի սրահում:

Փետրվարի 23-ին, ժամը 18-ին, ոստիկանության Երեւան քաղաքի վարչության գրպանահատության դեմ պայքարի բաժանմունքի ծառայողները, գողություն կատարելու կասկածանքով, Երեւանի Խանջյան փողոցի թիվ 51 հասցեի մոտից բերման են ենթարկել 1986 թ. ծնված Ալբերտ Մ.-ին, ով տվել է խոստովանական բացատրություն:

***

Փետրվարի 17-ին, ժամը 18.55-ին, 1998 թ. ծնված Թեհմինե Ե.-ն ոստիկանության Էրեբունու բաժնում հաղորդում էր տվել, որ թիվ 33 երթուղու ավտոբուսի սրահում իր պայուսակից գողացել են դրամապանակը, որի մեջ եղել է գումար:

Ոստիկանները պարզել են, որ այդ գողությունը նույնպես կատարել է Ալբերտ Մ.-ն, ով տվել է խոստովանական բացատրություն:

Ձեռնարկվում են միջոցառումներ գողոնը հայտնաբերելու ուղղությամբ: