նախընտրելի դարձնել
Ընտրական օրենսգրքի նախագիծը մինչ հանրությանը ներկայացնելը նախ Վենետիկի հանձնաժողով ուղարկելու նպատակն այն էր, որ քննարկման դրվի այնպիսի նախագիծ, որը եվրոպական ընտրական համակարգի չափանիշներին կհամապատասխանի: Այս մասին NEWS.am-ի հետ զրույցում ասաց ՀՀԿ-խմբակցության պատգամավոր Սամվել Նիկոյանը` պատասխանելով այն հարցին, թե ինչու նախքան Վենետիկի հանձնաժողովին ուղարկելը չեն հրապարակել նախագիծը, որից բողոքում են ընդդիմադիր ուժերը:
«Սա նախնական փուլն է, որից հետո արդեն խորհրդարանում առաջարկներ կներկայացվեն, լսումներ կլինեն»,-ասաց նա:
Նշենք, որ այս օրերին քաղաքական ու քաղաքացիական ուժերը ակտիվորեն քննարկումներ են կազմակերպում նախագծի վերաբերյալ, սակայն որեւէ մեկն այն չի տեսել եւ հայտնի չէ` ինչ տեսքով է այն ուղարկվել Վենետիկի հանձնաժողովին:
«Այսինքն` այս նախնական փուլում պետք է իմանանք` ինչ է առաջարկվում, ինչ պետք է դրվի քննարկման եւ արդյոք դա համապատասխանում է եվրոպական չափանիշներին: Սրանից հետո միայն քննարկման դնենք ու ասենք` այս հանձնաժողովը դրական եզրակացություն է տվել: Այս կամ այս կետերի նկատմամբ էլ ունի որոշակի վերապահումներ: Այսինքն` հանրության քննարկմանը ներկայացնենք ընդունելի տարբերակը: Այս փուլի նպատակը հետեւյալն է` քննարկանն դնել այնպիսի նախագիծ, որը եվրոպական ընտրական համակարգի չափորոշիչների մեջ է»,-ասաց պատգամավորը:
