Բոլոր երկրներում օրենսդրական նախաձեռնությունների մեծ մասը գալիս է Կառավարությունից։ Այս մասին մարտի 3-ին «Ազգային ժողովի 8-րդ նստաշրջանի մշտադիտարկում» ծրագրի քննարկման ընթացքում ասել է ՀՀԿ պատգամավոր Սամվել Նիկոյանը։

Նրա խոսքով՝ աշխարհի յուրաքանչյուր խորհրդարանում քաղաքական մեծամասնությունը պետք է Կառավարությանն իր աջակցությունը ցուցաբերի։  «Եթե ինչ-որ երկրում օրենսդիր մարմնում քաղաքական մեծամասնությունը դադարի Կառավարության  նեցուկ լինել, ապա այդ երկրում քաղաքական ցնցումներ կսկսվեն, տեղի կունենա իշխանափոխություն եւ այլ համանման պրոցեսներ»,- նշել է է Նիկոյանը։