Դիարբեքիրի Սուրում թուրք զինվորները սպանել ու տանկի տակ ճզմել են քուրդ երիտասարդին

Թուրքիայի քրդաբնակ Դիարբեքիրի Սուրի շրջանում թուրք զինվորականները դաժանորեն սպանել են քուրդ ակտիվիստ Մահսուն Գյուրքանին։

Քրդական DIHA գործակալության փոխանցմամբ՝ Twitter-ում Perde Arkasi էջը հրապարակել է մի լուսանկար, որի տակ գրված է եղել, որ ամիսներ առաջ ոստիկաններից փախչող Մահսուն Գյուրքանը դաժանորեն սպանվել է։

Նշվում է, որ Մահսուն Գյուրքանը օրեր առաջ զինվորականների հետապնդումների հետեւանքով թաքնված է եղել Սուրի տներից մեկի նկուղում եւ նրան սպանելուց հետո են զինվորները տանկով ճզմել։