նախընտրելի դարձնել
Թայլանդի հարավում ինքնաշեն ռումբերի մի շարք պայթյուններ են տեղի ունեցել, որոնց հետեւանքով 1 մարդ զոհվել է, 11-ը` տուժել:
Ինչպես հայտնում է Reuters-ը` վկայակոչելով երկրի զինված ուժերում աղբյուրին, պայթյունները մարտի 30-ին եւ 31-ին որոտացել են Մալայզիայի հետ սահմանակից Պատտանիում` Թայլանդի երեք նահանգներից մեկում, որտեղ առավելապես մահմեդական բնակչություն է ապրում:
Ինքնաշեն պայթուցիկ սարքերը փոքր հզորության էին, սակայն վնասել են փոստի, բանկի եւ շրջանային վարչակազմի շենքերը: Պայթյունների հետեւանքով մեկ անցորդ զոհվել է, 11 ոստիկան տուժել է:
Նշենք, որ փետրվարի վերջից թայլանդական իշխանություններն ուժեղացնում են առողջարանային նահանգներում անվտանգության միջոցները երկրի հարավում գործող իսլամական անջատողականների կողմից սպառնալիքների պատճառով, հայտնում է NTV-ն:
