Բրյուսելի Մոլենբեկ համայնքում ձերբակալվել է Ֆրանսիայի մի քաղաքացի, որը փորձել է կապ հաստատել Սիրիայում կռվելու համար մուսուլման գրոհայինների հավաքագրող անձանց հետ։

Մոլենբեկ ժամանելով՝ երիտասարդը սկսել էր հարցուփորձ անել, թե ինչպես հասնել մզկիթ։ Նա ասել է, որ ժամանել է Ֆրանսիայից, որպեսզի մեկնի Սիրիա՝ «ազնիվ գործի համար» կռվելու, գրում է Derniere heure-ը։

Անցորդներից մեկը համաձայնել է ֆրանսիացուն ուղեկցել մինչեւ մզկիթ, սակայն դրանից հետո անմիջապես ոստիկանություն է զանգել։

Ոստիկանությունը նրան տեղափոխել է փակ կենտրոն, որտեղից մոտ ժամանակներս կհանձնի Ֆրանսիայի իրավապահ մարմիններին։