ԵԱՀԿ մշտական խորհրդում ներկայացված ԵՄ անդամ պետությունները հայտարարություն են ընդունել Ուզբեկստանում շինծու մեղադրանքով դատապարտված Արամայիս Ավագյանի ու նրա փաստաբանի կապակցությամբ։

Ուզբեկստանում կալանավորվել եւ 7 տարվա ազատազրկման է դատապարտվել իսլամական ֆունդամենտալիզմի մեջ շինծու մեղադրանքով դատապարտված հայ Արամայիս Ավագյանի փաստաբանը։

Մայիսի 26-ին ԵԱՀԿ մշտական խորհրդում ներկայացված Եվրամիության անդամ պետությունների կողմից Արամայիս Ավագյանի եւ նրա փաստաբան Օդիլ Կոբիլովի գործով հայտարարություն է ընդունվել։

Հայտարարությունում, մասնավորապես ասվում է.

«ԵՄ-ն անհանգստացած է Ուզբեկստանում այս ամսվա սկզբին փաստաբան Օդիլա Կոբիլովի բանտարկությամբ: Կոբիլովը, որը դատապարտվել է 7 տարվա ազատազրկման, ըստ էության, հետապնդման օբյեկտ է եղել՝ կապված Արամայիս Ավագյանի փաստաբանը լինելու հետ:

Փաստաբանների ընտրանքային հետապնդումը, ի պատասխան իրենց հաճախորդների շահերը ներկայացնելու օրինական աշխատանքի, խախտում է օրենքի գերիշխանությունը եւ քրեական արդարադատության նկատմամբ վստահությունը:

Արամայիս Ավագյանն ինքը եւս այս տարվա փետրվարի 19-ին դատապարտվել է 7 տարվա ազատազրկման: Մտավախություններ կան կապված Ավագյանի բուժման հետ, ներառյալ նրա հայտարարությունները խոշտանգումների եւ արդար դատաքննության իր իրավունքների խախտումների մասին:

Եվրամիությունը կոչ է անում Ուզբեկստանին քննարկել երկու դեպքերը եւ գործել ԵԱՀԿ շրջանակներում իր ստանձնած պարտավորություններին եւ դատական գործընթացների ոլորտում միջազգային չափանիշներին համապատասխան»:

Ավելի վաղ NEWS.am-ը հայտնել էր, որ հայ երիտասարդը մեղադրվում է «կրոնական ծայրահեղականության, անջատողականության, արմատականություն սերմանող խմբավորում հիմնադրելու, ղեկավարելու», «սահմանադրական կարգը տապալելու» փորձերի մեջ: Նա հինգ ամբաստանյալներից միակն է, ով դատարանում չի ընդունել մեղադրանքները և պնդել է, որ նախաքննության ժամանակ բռնությունների միջոցով են փորձել պարտադրել «ինքնախոստովանական» ցուցմունքներ:

Արամայիս Ավագյանն առաջին ատյանի դատարանի դատավճիռը բողոքարկել է Գերագույն դատարանում: Նիստի օրը դեռ չի նշանակվել:

Ուզբեկստանում դատապարտված Արամայիս Ավագյանի մայրն այցելել է այդ երկրի օմբուդսմենի գրասենյակ

Ուզբեկստանում Արամայիս Ավագյանին 7 տարվա ազատազրկման են դատապարտել՝ մեղադրելով ԻՊ-ի հետ կապերի մեջ