«Արմավիա» ավիաընկերության կործանման համար մեղավոր է նաեւ Հայաստանի Քաղաքացիական ավիացիայի պետական վարչությունը    (ՔԱՊՎ): Այդ մասին հունիսի   2-ին հայտնել է Հայաստանի Օդային տրանսպորտի հարցերով հասարակական խորհրդի նախագահ Դմիտրի Ատբաշյանը   «Արդյոք Հայաստանում ավիացիայի ոլորտի խնդիրները,  ազգային ավիափոխադրողի առկայությունը առաջնահերթություն է» թեմայով քննարկմանը:

Նրա խոսքով, Հայաստանին այնպիսի մարմին է անհրաժեշտ, որը պատասխանատվություն է կրում ավիատեխնիկայի շահագործման եւ օդային տարածքի, ինչպես նաեւ թռիչքների անվտանգության համար: «Երբ «Արմավիա» ընկերությունը կործանվեց, բոլորը կարծում էին եւ մինչ այժմ կարծում են, թե դա Բաղդասարովի մեղքն է: Ես այնտեղ աշխատել եմ որոշ ժամանակ: Այդ ընկերությունն արդյունավետ չէր աշխատում», - նշել է Ատբաշյանը:   «Մեղավոր էր նաեւ Քաղաքացիական ավիացիայի գլխավոր վարչությունը, որովհետեւ ինքնաթիռները գերծանրաբեռնված էին թռչում, որովհետեւ  ավելի շատ նավթ էր ծախսվում եւ թռիչքների անվտանգությունը հարցականի տակ էր», - պարզաբանել է Դմիտրի Ատբաշյանը: