նախընտրելի դարձնել
Հունիսի 2-ին, ժամը 09:15-ի սահմաններում, N զորամասի պահպանության շրջանի մարտական դիրքում, հայտնաբերվել է ժամկետային զինծառայող, կրտսեր սերժանտ Խորեն Դերենիկի Հարությունյանը՝ կրծքավանդակի շրջանում մահացու հրազենային վնասվածքով։ Նախնական տվյալներով՝ զինծառայողը մահացու հրազենային վնասվածքն ստացել է զենքի հետ վարվելու կանոնները խախտելու հետեւանքով։
Հարուցվել է քրեական գործ՝ զենքի հետ վարվելու կանոնները խախտելու եւ անզգուշությամբ մարդու մահ առաջացնելու դեպքի առթիվ, որն ընդունվել է երրորդ կայազորային քննչական բաժնի վարույթ։
Կատարվում է նախաքննություն, ձեռնարկվում են անհրաժեշտ քննչական գործողություններ՝ դեպքի բոլոր հանգամանքների բազմակողմանի, օբյեկտիվ եւ լրիվ հետազոտումն ապահովելու ուղղությամբ։
Հիշեցնենք, որ Խորեն Դերենիկի Հարությունյանը մահացել էր հյուսիսարեւելյան ուղղությամբ տեղակայված զորամասերից մեկի պահպանության տեղամասում: Դեպքի մանրամասները պարզելու համար կատարվում է քննություն:
