նախընտրելի դարձնել
Հայաստանի ԱԻՆ-ում, մայիսի 24-ին, ժամը 23.20-ին, ոստիկանության Վաղարշապատի բաժնում 68-ամյա Սարգիս Ս.-ից հաղորդում էր ստացվել, որ Մարգարա գյուղի իր հողամասում մորթել եւ գողացել են իր խոշոր եղջերավոր անասունը` պատճառելով 400.000 դրամի նյութական վնաս:
Ոստիկանության Վաղարշապատի եւ Արմավիրի բաժինների ծառայողների ձեռնարկած միջոցառումների շնորհիվ պարզվել է, որ գողությունը կատարել է 23-ամյա Սամվել Ա.-ն, ով բացատրական աշխատանքների շնորհիվ՝ ներկայացել է բաժին եւ տվել խոստովանական բացատրություն: Բայս սա դեռ ամենը չէ:
Մայիսի 30-ին 54-ամյա Թեմուր Մ.-ից ոստիկանության Վաղարշապատի բաժնում հաղորդում էր ստացվել, որ Ֆերիկ գյուղի իր հողատարածքից, «Ֆորդ» մակնիշի ավտոմեքենայով, գողացել են իր 2 գլուխ հորթը` պատճառելով 480.000 դրամի նյութական վնաս:
Ոստիկանության Վաղարշապատի բաժնի ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ գողությունը կատարել է նույն ինքը՝ Սամվել Ա.-ն:
Գողոնն առգրավված է:
