«Մարդիկ հանուն կենդանիների նկատմամբ էթիկական վերաբերմունքի» (PETA) կազմակերպությունը Ավստրալիայում օվկիանարիումին քննադատել է ճաշացանկում ծովամթերքի համար, հայտնում է  Gazeta-ն` վկայակոչելով Daily Mail-ին:

Underwater World-ին նամակ է ուղարկվել Օվկիանոսների համաշխարհային օրվա նախօրեին, որը նշվում է հունիսի   8-ին:

PETA-ից նշել են, որ Քվինսլենդում օվկիանարիումը այցելուներին հնարավորություն է տալիս հիանալու ծովային ֆաունայի  «սքանչելի եւ ցնցող» ներկայացուցիչներով եւ բավականին տարօրինակ է, որ դրանից հետո այցելուներին առաջարկում են այդ բնակիչների մեջ պատառաքաղ   «խրել»:

«Ակվարիումում ձուկ մատուցելը նույնն է, ինչ գազանանոցում կապիկի մսից խորտիկներ առաջարկելը», – ասված է նամակում: PETA-ն Underwater World-ին առաջարկել է ճաշացանկում բուսակերական ուտեստներ ներառել:   

Օվկիանարիումից, իրենց  հերթին, հայտնել են, որ իրենց սրճարանն ընդամենը   «էկոլոգիական ռացիոնալ եղանակով» ձեռք բերված ոստրե եւ սաղմոն է առաջարկում: Այնտեղ նաեւ հիշեցրել են, որ ծովային բնակիչների սննդի հիմնական աղբյուրը  «ուրիշ ձուկն է»: