Վանաձորում այսօր՝ հունիսի 8-ի երեկոյան վիճաբանության ժամանակ դանակահարված երեք երիտասարդներից երկուսի վիճակը ծանր է, մեկի վիճակը ծանր կայուն:  NEWS.am-ին Վանաձորի հիվանդանոցից տեղեկացրին, որ  երիտասարդներից երկուսին այս պահին վիրահատում են, իսկ մյուս երիտասարդին, որն ունի կրծքավանդակի վնասվածքներ, կատարվել է թոքի դրենաժավորում:

Ավելի վաղ տեղեկացրել էինք, որ այսօր երեկոյան Վանաձորի երկաթուղայիների այգում գտնվող բիլիարդանոցի  մոտից երեք երիտասարդ դանակահարված վիճակում տեղափոխվել  են հիվանդանոց։ Նախնական տեղեկություններով՝ վնասվածքները ստացել են վիճաբանության ժամանակ։

Երիտասարդների ինքնությունը պարզվում է:

Մեր տեղեկությունը հաստատել են ոստիկանությունից։ Այլ մանրամասներ չեն նշել։ Նշված միջադեպով կատարվում է քննություն։ Համապատասխան  գործողություններ են ձեռնարկվում  հանգամանքները պարզելու ուղղությամբ։