Օրերս  ճանապարհային ոստիկանությունում կադրային զտումներ են տեղի ունեցել: NEWS.am-ին հայտնի է դարձել, որ մի խումբ  ճանապարհային ոստիկաններ ազատվել են աշխատանքից:  Թեեւ մեր տեղեկությունը հաստատել են ոստիկանությունից, սակայն չեն նշել կոնկրետ պատճառը:

Լրատվական ծառայությունից հայտնել են, որ ինչպես մյուս ստորաբաժանումներում այնպես էլ ճանապարհային ոստիկանությունում կատարվող կադրային փոփոխությունները  բարեփոխումների շրջանակում են, սակայն  մեզ հաջողվեց ճշտել, որ  ներքին անվտանգության ծառայության իրականացրած ստուգումների արդյունքում հայտնի է դարձել, որ նրանք  խախտումներ են թույլ տվել, ինչի պատճառով էլ ազատվել են: