նախընտրելի դարձնել
«Վանոյի Արտակ» անվամբ հայտնի Արտակ Գալստյանի կալանավորման որոշման դեմ պաշտպանի ներկայացրած բողոքը Վերաքննիչ դատարանը կքննի հունիսի 16-ին: NEWS.am-ին պաշտպան Սուսաննա Սարգսյանը տեղեկացրեց, որ բողոքը դռնփակ դատական նիստում քննելու է դատավոր Ռուզաննա Բարսեղյանը:
Սուսաննա Սարգսյանը նաեւ նշեց, որ Արտակ Գալստյանն իր` հունիսի 13-ին սկսած հացադուլը շարունակում է: Նա բողոքում է իրեն հատուկ խցից կլոր խուց տեղափոխելու դեմ:
Նշենք, որ Արտակ Գալստյանը երկու ամսով կալանավորվել է։ Նրան մեղադրանք է առաջադրվել ԱԺ պատգամավոր Տիգրան Ուրիխանյանից շորթում կատարելու դեպքով հարուցված քրեական գործի շրջանակում՝ ՀՀ ՔՕ 182-րդ հոդվածի 3-րդ մասի 2-րդ կետով (առանձնապես խոշոր չափերի շորթում) եւ 38-312-րդ հոդվածի 3-րդ մասի 1-ին կետով (առանձնապես խոշոր չափերով կաշառք տալը):
Հիշեցնենք, որ ՀՀ հատուկ քննչական ծառայությունը հայտարարություն էր տարածել, որ Արտակ Գալստյանը ձերբակալել է 2015թ. աշնանը analitik.am կայքի տնօրենի հետ, նախնական համաձայնությամբ, խմբով, քաղաքացուց առանձնապես խոշոր չափի շորթում կատարելու կասկածանքով: Նախաքննությամբ ձեռք բերված տվյալներով՝ Ա. Գալստյանը տնօրինում եւ կազմակերպում է ինչպես «analitik.am», այնպես էլ՝ «crimenews.am», «armcrimenews.com» լրատվական կայքերի գործունեությունը:
Նշենք, որ analitik.am կայքի տնօրեն Անի Հովհաննիսյանը կալանքի տակ է:
