նախընտրելի դարձնել
Մոսկվայի քաղաքային դատարանը հունիսի 22-ին կստուգի գործարար եւ «Սոբեսեդնիկ» հրատարակչության տնօրեն Լեւոն Հայրապետյանի նկատմամբ դատավճռի օրինականությունը, նա գաղութում 4 տարվա ազատազրկման է դատապարտվել Բաշկիրիայի նախկին սենատոր Իգոր Իզմեստեւից 700 հազար դոլար կորզելու մեղադրանքով, դատարանի մամուլի ծառայությունից հայտնել են «ՌԻԱ Նովոստիին»:
«Դատարանը հունիսի 22-ին կքննի Հայրապետյանի պաշտպանների վերաքննիչ բողոքը», — ասել է գործակալության զրուցակիցը:
Մոսկվայի Զամոսկվորեցկի դատարանը Հայրապետյանին 4 տարվա ազատազրկման է դատապարտել, նա պատիժը կրելու է ընդհանուր ռեժիմի գաղութում, եւ պարտավորեցրել է տուժածի օգտին 20,8 մլն ռուբլի վճարել:
Քննության տվյալների համաձայն, գործարարը խաբել է ահաբեկչության եւ այլ ծանր հանցագործությունների համար ցմահ դատապարտված Իզմեստեւի մորը` խոստանալով 700 հազար դոլարի դիմաց որդու համար ավելի մեղմ դատավճիռ ապահովել:
