ՀՀ նախագահ Սերժ Սարգսյանի հրամանագրով Արմեն Պապիկյանը նշանակվել է ՀՀ արտաքին գործերի նախարարի տեղակալ:

Համապատասխան հրամանագրում, մասնավորապես, ասվում է.

«Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի «Հայաստանի Հանրապետության կառավարության եւ նրան ենթակա պետական կառավարման այլ մարմինների գործունեության կազմակերպման կարգը սահմանելու մասին» ՆՀ-174-Ն հրամանագրով սահմանված կարգի 125-րդ կետը` որոշում եմ.

Արմեն Պապիկյանին նշանակել Հայաստանի Հանրապետության արտաքին գործերի նախարարի տեղակալ»:

Նշենք, որ Եվրոպայի խորհրդում Հայաստանի մշտական ներկայացուցիչ Արմեն Պապիկյանը ՀՀԿ խմբակցության պատգամավոր Խոսրով Հարությունյանի փեսան է: Հիշեցնենք, որ 3,5 ամիս առաջ ԱԳ փոխնախարար է նշանակվել նաեւ նրա որդին՝ Ռոբերտ Հարությունյանը:

Կենսագրական տվյալներ

Ծննդյան թիվը և վայրը

1973թ-ի նոյեմբերի 22-ին, ք. Երևան, Հայաստան

Կրթություն

1990 -1995թթ. Գլաձոր կառավարման համալսարանի Միջազգային հարաբերությունների ֆակուլտետ, միջազգայնագետ-պատմաբանի որակավորում:

2000թ.

1999 և 2001թթ Ֆլեթչերի իրավունքի և դիվանագիտության դպրոց, Թաֆթսի համալսարան, Բոստոն, ԱՄՆ

Մասնագիտական վերապատրաստման ծրագրեր' Ջորջ Մարշալի անվան Անվտանգության ուսումնասիրությունների եվրոպական կենտրոն, Գերմանիա և ՆԱՏՕ-ի պաշտպանության քոլեջ, Հռոմ, Իտալիա:

Աշխատանքային գործունեություն

1997 -1999թթ. ՀՀ ԱԳՆ ռազմաքաղաքական վարչության երկկողմ ռազմական համագործակցության բաժնի կցորդ, այնուհետև երրորդ քարտուղար:

1999-2002թթ. ԱԳՆ Սպառազինությունների վերահսկման և միջազգային անվտանգության վարչություն ՆԱՏՕ-ի հետ համագործակցության բաժնի երկրորդ քարտուղար:

2002-2005թթ. Ժնևի ՄԱԿ-ի գրասենյակում ՀՀ մշտական ներկայացուցչության երկրորդ քարտուղար, Ժնև, Շվեյցարիա:

2002-2005թթ. Շվեյցարիայում ՀՀ դեսպանության երկրորդ քարտուղար (նստավայրը՝ Ժնև):

2005-2007թթ. ԱԳՆ Սպառազինությունների վերահսկման և միջազգային անվտանգության վարչություն սովորական սպառազինությունների վերահսկման բաժնի վարիչ:

2007-2011թթ. ԵԱՀԿ-ում ՀՀ մշտական ներկայացուցչության խորհրդական - առաքելության ղեկավարի տեղակալ, Վիեննա, Ավստրիա

2011թ-ից

ԱԳՆ Եվրոպայի վարչության խորհրդական, Երևան:

2011թ. սեպտեմբերի 22-ին Հայաստանի Հանրապետության Նախագահ Սերժ Սարգսյանի հրամանագրով նշանակվել է Եվրոպայի Խորհրդում Հայաստանի Հանրապետության մշտական ներկայացուցիչ (նստավայրը' Ստրասբուրգ):

Դիվանագիտական աստիճանը` Խորհրդական

Օտար լեզուներ` ռուսերեն, անգլերեն, ֆրանսերեն

Ամուսնացած է, ունի երկու երեխա: