նախընտրելի դարձնել
Երեւանում մեկնարկում է Էկումենիկ արարողությունը, որից հետո կհնչի Հռոմի Ֆրոնցիսկոս Պապի համամիութենական աղոթքը հանուն խաղաղության: (ֆոտոռեպորտաժ)
Արարողությունը տեղի է ունենում Երեւանի Հանրապետության հրապարակում:
Արարողությունից առաջ հրապարակում հավաքվածները մեծ էկրանների դիտեցին կադրեր Սուրբ Պատարագից, որը տեղի է ունեցել 2015 թվականի ապրիլի 21-ին, Վատիկանի Սուրբ Պետրոս հրապարակում՝ Հռոմի Պապի գլխավորությամբ: Այդ Պատարագը նվիրված էր Օսմանյան Կայսրությունում Հայոց ցեղասպանության 100-րդ տարելիցին:
Էկումենիկ արարողությունը կմատուցեն Գարեգին Բ Ամենայն Հայոց Կաթողիկոսը եւ Հռոմի Սրբազան Քահանայապետ Ֆրանցիսկոս Պապը:
Հրապարակում հավաքվեն են հազարավոր հավատացյալներ՝ Երեւանից եւ Հայաստանի տարբեր մարզերից, նաեւ Հայ Եկեղեցու աշխարհասփյուռ թեմերից եւ այլ երկրներից ժամանած ուխտավորներ:
Էկումենիկ արարողությանը ներկա է նաեւ ՀՀ նախագահ Սերժ Սարգսյանը, Ազգային ժողովի պատգամավորներ, Կառավարության անդամներ, Երեւանում աշխատող դիվանագիտական կորպուսի ներկայացուցիչներ:
