Նախընտրելի
ՏուրՍտատ Զբոսաշրջային կայքը վերլուծել է 2016-ի I եռամսյակում Ռուսաստան ներգնա զբոսաշրջության ամփոփիչ տվյալները (2016-ի հունվարի 1-ից մինչեւ մարտի 31):
Հայաստանը դեպի Ռուսաստան ներգնա զբոսաշրջության թվերով տասներորդ տեղն է զբաղեցնում: 2016-ի առաջին երեք ամսում Հայաստանից Ռուսաստան 63 հազար զբոսաշրջային ուղեւորություն է կատարվել:
Դեպի Ռուսաստան արտագնա ուղեւորությունների ամենամեծ թիվը, 2016-ի I եռամսյակի տվյալներով, եղել է Մոնղոլիայից (113 հազար ուղեւորություն, +38 տոկոս 2015-ի առաջին եռամսյակի համեմատ) եւ Էստոնիայից (74 հազար, +6 տոկոս):
2016 –ի I եռամսյակի տվյալներով դեպի Ռուսաստան զբոսաշրջային ուղեւորությունների թվով թոփ 10 երկրների ցուցակը կազմել են Ուկրաինան, Ղազախստանը, Լեհաստանը, Ֆինլանդիան, Ադրբեջանը, Մոնղոլիան, Աբխազիան, Չինաստանը, Էստոնիան եւ Հայաստանը:
Մոնղոլիան, Աբխազիան եւ Էստոնիան զբաղեցրել են Ուզբեկստանի, Մոլդովայի եւ Գերմանիայի տեղը 2016-ի I եռամսյակում դեպի Ռուսաստան ներգնա զբոսաշրջության առաջին տասը երկրի ցուցակում, նախորդ տարվա նույն ժամանակաշրջանի համեմատ:
Պետական վիճակագրության դաշնային ծառայության տվյալներով (Ռոսստատ) դեպի Ռուսաստան ներգնա ուղեւորությունների թիվը 2016-ի I եռամսյակում կրճատվել է 29 տոկոսով` մինչեւ 3.48 մլն, մեկ տարի առաջվա 4.91 մլն-ի համեմատ:
