նախընտրելի դարձնել
Թուրքիայում հեղաշրջման փորձի հետ կապված օտարերկրյա տասը քաղաքացի է ձերբակալվել: Այդ մասին օգոստոսի 8-ին հայտնել է Թուրքիայի փոխվարչապետ Նուման Քուրթուլմուշը, հայտնում է Reuters գործակալությունը:
Թուրքիայի փոխվարչապետը միաժամանակ չի ճշտել ձերբակալվածների քաղաքացիությունը, հայտնում է «ՌԻԱ Նովոստին»:
Ավելի վաղ Քուրթուլմուշը հայտնել էր, որ Թուրքիայում ռազմական հեղաշրջման փորձին մասնակցած 216 զինվորական առաջվա պես հետախուզման մեջ է գտնվում, նրանց թվում ինը գեներալ կա:
Հուլիսի 16-ի գիշերը Թուրքիայում ապստամբների խումբը ռազմական հեղաշրջման փորձ է իրականացրել: Հիմնական դիմակայությունը ծավալվել է Անկարայում եւ Ստամբուլում: Վերջին տվյալների համաձայն, Թուրքիայի 246 քաղաքացի զոհվել է, չհաշված ապստամբներին, ավելի քան 2 հազար քաղաքացի վնասվածքներ է ստացել, ապստամբությունը ճնշվել է: Թուրքիայի իշխանությունները հեղաշրջման փորձի կազմակերպման համար մեղադրել են Ֆետհուլլա Գյուլենին եւ ԱՄՆ-ից պահանջել են արտահանձնել նրան: Ինքը` Գյուլենը դատապարտել է ապստամբությունը եւ հայտնել, որ կապ չունի դրա հետ:
