Հոկտեմբերի 29-ին Հայաստանի արտգործնախարար Էդվարդ Նալբանդյանն ընդունեց Ամերիկայի հայկական համագումարի հոգաբարձուների խորհրդի նախագահ Քերոլայն Մուգարին եւ համագումարի համանախագահ Էնթոնի Բարսամյանին։

Ամերիկայի հայկական համագումարի ղեկավարները ներկայացրեցին կազմակերպության գործունեությունը եւ առաջիկա ծրագրերը։

Հանդիպմանն անդրադարձ կատարվեց Հայաստան-Միացյալ Նահանգներ բարեկամական գործընկերության զարգացմանն ուղղված ջանքերին։

Զրույցի ընթացքում քննարկվեցին համահայկական մի շարք հարցերի եւ դրանց լուծման ուղղությամբ հայ համայնքային կառույցների կարեւոր դերակատարությունը։

Էդվարդ Նալբանդյանը զրուցակիցներին ներկայացրեց ղարաբաղյան հիմնախնդրի խաղաղ կարգավորման գործընթացի առաջմղման նպատակով համապատասխան պայմանների ստեղծման ուղղությամբ Հայաստանի եւ ԵԱՀԿ Մինսկի խմբի համանախագահ երկրների կողմից ձեռնարկվող քայլերը։

Զրուցակիցները անդրադարձան մի շարք տարածաշրջանային խնդիրների՝ Մերձավոր Արեւելքում տեղի ունեցող զարգացումներին, փախստականների խնդիրներին։