նախընտրելի դարձնել
Եթե խմելու ջրի ոլորտում մենք կարողանում ենք ավարտել անշարժ գույքի պետական գրանցման աշխատանքներն ու ենթակառուցվածքների վերաբերյալ ունենալ գույքի կադաստր ձեւավորելու բավարար հիմքեր, ապա ոռոգման բնագավառում մենք շատ բան պետք է սկսենք զրոյից: Այս մասին այս մասին Ջրային տնտեսության պետական կոմիտեում (ՋՏՊԿ) տեղի ունեցած հանդիպման ժամանակ հայտարարել է Կոմիտեի նախագահ Արսեն Հարությունյանը:
Կոմիտեից NEWS.am-ին հայտնում են, որ հանդիպմանը մասնակցել են Գույքի կառավարման եւ ներդրումների իրականացման վարչության ձեւավորման համար խորհրդատվական ծառայությունների մատուցման ապագա մրցույթի մասնակից-հավակնորդները:
 |
Սպառողական վարկեր առանց գրավի մինչև 2,000,000 ՀՀ դրամ Մինչև դեկտեմբերի 30-ը «Մինչև 2,000,000 ՀՀ դրամ առանց գրավի սպառողական վարկերը» տրամադրվում են ավելի ցածր՝ ընդամենը 19-21% տարեկան տոկոսադրույքով: |
«Վերջին 10-12 տարիների ընթացքում միայն խմելու ջրի համակարգերի զարգացման նպատակով կատարվել է ավելի քան 230 մլ դոլարի ներդրումներ, առավել մեծածավալ ներդրումներ են կատարվել նաեւ ոռոգման համակարգում: Կատարված ներդրումների շնորհիվ այսօր ՋՏՊԿ ՀՀ գույքային ունեցվածքի ամենամեծ տնօրինողներից է, եւ մեզ համար արդիական է ստեղծված գույքի պահպանումն ու արդյունավետ շահագործումը, պլանավորումն ու ներդրումների նպատակային իրականացումը»,- ասել է նա:
Նշենք, որ Գերմանական KfW բանկի կողմից ֆինանսավորվող դրամաշնորհային ծրագրի շրջանակներում հայտարարվել է խորհրդատվական ծառայությունների մատուցման միջազգային մրցույթ, որին մասնակցության հայտ են ներկայացրել 11 ընկերություններ: Դրանցից 5-ը ներառվել են կարճ ցանկում եւ շարունակելու են պայքարը հաջորդ փուլում:
«Պետական գույքի արդյունավետ, նպատակային եւ խելամիտ կառավարումն այսօր լուրջ խնդիր է դարձել պետական կառույցների համար: Մեր նպատակներից մեկն էլ այն է, որպեսզի այս գործելաոճը արմատավորվի եւ օրինակելի դառնա մեր երկրում: Մենք շատ ուրախ ենք, որ մրցույթին մասնակցության հայտ են ներկայացրել նաեւ տեղական գործընկերներ: Եվ քանի որ ծրագիրը պարունակում է նաեւ որոշակի քաղաքական տարրեր, առաջարկում ենք տեղացի մեր գործընկերներին ակտիվացնել համագործակցությունը ՋՏՊԿ-ի հետ, քանզի մենք ակնկալում ենք, որ վարչությունը, որ ստեղծվելու է այս խորհրդատվությունների արդյունքում, պետք է դառնա ներդրումային մեթոդաբանության եւ ռազմավարության մշակման հիմնական հարթակը»,- ասել է ՋՏՊԿ նախագահի խորհրդական Վիկտոր Մարտիրոսյանը:
Ըստ Վ. Մարտիրոսյանի՝ ՋՏՊԿ-ի նպատակն է ձեւավորել մի կառույց, որը կտա ներդրումների իրականացման համար հիմնավոր եւ համապարփակ ինֆորմացիա, կկատարի համակարգի գույքի ամբողջական հաշվառում եւ կիրագործի դրա խելամիտ տնօրինումը, ինչպես նաեւ՝ կօգնի խուսափել կրկնվող գործառույթների իրականացումից:
«Ոռոգման համակարգի մեր գույքը այսօր ցրված է ջրառ ընկերություններում եւ ՋՕԸ-երում: Եթե խմելու ջրի ոլորտում մենք կարողանում ենք ավարտել անշարժ գույքի պետական գրանցման աշխատանքներն ու ենթակառուցվածքների վերաբերյալ ունենալ գույքի կադաստր ձեւավորելու բավարար հիմքեր, ապա ոռոգման բնագավառում մենք շատ բան պետք է սկսենք զրոյից: Այս համակարգի առաջիկա զարգացումը մենք նույնպես տեսնում ենք պետական-մասնավոր համագործակցության դաշտում: Մենք ակնկալում ենք, որ ծրագրի ավարտին կունենանք գույքի կառավարման մշակված ռազմավարություն, կառավարման անհրաժեշտ բազա եւ ծրագրային ապահովվածություն, գույքի կառավարման հանրապետական ցանց եւ զարգացման ծրագրեր: Այնպես որ, անկախ նրանից, թե ով է լինելու մրցույթի հաղթողը, մեր սպասելիքները այս ծրագրերից մեծ են»,- ասել է ՋՏՊԿ նախագահ Արսեն Հարությունյանը:
