Գերմանիայի խոշորագույն ֆինանսական կոնգլոմերատ Deutsche Bank-ը համաձայնել է ԱՄՆ իշխանությունների պահանջով 7,2 մլրդ դոլար վճարել՝ որպես արժեթղթեր վաճառելիս հնարավոր խախտումների փոխհատուցում, փոխանցում է BBC-ն:
 
Ձեռք բերված պայմանավորվածությամբ 3,1 մլրդ կվճարվի որպես տուգանք եւ եւս 4,1 մլրդ որպես փոխհատուցում:

Մինչև դեկտեմբերի 30-ը ստացեք գրավով ապահովված սպառողական վարկեր 18-19% տարեկան տոկոսադրույքով:

ԱՄՆ արդարադատության նախարարությունը սեպտեմբերին պահանջել էր 14 մլրդ դոլար վճարել:

Գերատեսչությունում կարծում են, որ Deutsche Bank-ը վարկային այն հաստատությունների թվում է, որոնք 2008-ի համաշխարհային ֆինանսական ճգնաժամից առաջ արժեթղթերի ռիսկերի գնահատականը նվազեցրել են: Արդյունքում դրանք գնել են հիպոթեքային Fannie Mae եւ Freddie Mac ընկերությունները, որոնց խնդիրներից էլ ճգնաժամն սկսվել է: