Corriere della Sera իտալական պարբերականը Twitter–ի միկրոբլոգում լուսանկարներ է հրապարակել հրաձգության վայրից, որտեղ սպանվել է Բեռլինի ենթադրյալ ահաբեկիչը։

Ավելի վաղ Reuters –ը հայտնել էր, որ թունիսցի Անիս Ամրին, որին կասկածում են Բեռլինում ահաբեկչության մեջ, սպանվել է Միլանում հրաձգության ժամանակ։

Նախնական տվյալներով՝ Ամրին կրակ է բացել գիշերը՝ փաստաթղթերի ստուգման ժամանակ։ Ոստիկանները խնդրել են փաստաթղթեր ներկայացնել, դրանից հետո Ամրին հրաձգություն է սկսել։ Ոստիկանների արձակած պատասխան կրակից թունիսցին սպանվել էր։ Իտալիայի ՆԳ նախարար Մարկո Միննիտին ասել էր, որ շուտով մամուլի ասուլիս կկայանա։