Գերմանիայի դաշնային կառավարության նոր ծրագիրը, որը բաղկացած է 16 կետից, նախատեսում է այդ թվում «արտաքսման դաշնային կետերի» ստեղծում, որտեղ կտեղավորվեն այն միգրանտները, որոնց փախստականի կարգավիճակ չեն տրամադրի։ Փաստաթղթի նախագիծը քննարկվելու է դաշնային հողերի վարչապետների հետ Մերկելի հանդիպման ընթացքում։ Նախագծի նպատակն է զգալիորեն արագացնել միգրանտներին հայրենիք ուղարկելը,գրում է Der Spiegel-ը։

Պարբերականի փոխանցմամբ նախատեսված են հետեւյալ քայլերը՝ հայրենիք  վերադարձողների աջակցության միասնական կենտրոնի ստեղծում ու արտաքսման դաշնային կետերի բացում, նաեւ միջոցառումներ, որոնք ուղղված են պոտենցիալ վտանգ ներկայացնող օտարերկրացիների արտաքսման ու միգրանտների ֆինանսական աջակցությյան համար ։ «2017-ին 90 մլն եվրո է հատկացվելու միգրանտներին հայրենիք ուղարկելու ու նրանց վերաինտեգրման ծրագրերին։ Որքան շուտ միգրանտը վճռի կամավոր հայրենիք վերադառնալ այդքան մեծ կլինի ֆինանսական օգնության գումարը»,- ասվում է հոդվածում։