Կառավարությունը խորհրդարանին առաջարկել է փետրվարի 14-ին արտահերթ նիստ հրավիրել։ Փետրվարի 9-ին կառավարության նիստում կառավարության աշխատակազմի ղեկավար–նախարար Դավիթ Հարությունյանն ասաց, որ առաջարկվում է օրակարգում ներառել էլեկտրոնային ստորագրության, գյուղտեխնիկայի շահագործման եւ բանկերի գործունեության մասին օրենքներում փոփոխությունների նախագիծը։ Պլանավորվում է ներկայացնել լեռնահանքային ընկերություններից հարկերի հաշվման մեղմացման մասին օրինագիծը։