նախընտրելի դարձնելԱմերիկյան հատուկ ծառայությունների նախկին աշխատակից Էդվարդ Սնոուդենը կարծում է, որ մայիսի 12-ին հաքերային գլոբալ գրոհի ժամանակ կարող էր ԱՄՆ Ազգային անվատանգության գործակալության (ԱԱԳ) կողմից մշակված համակրգչային վիրուս օգտագործվել: Այս մասին նա գրել է իր Twitter-ում:
«Ամերիկյան ծրագրային ապահովման գրոհի համար գործիքներ ստեղծելու ԱԱԳ որոշումը հիմա սպառնում է հիվանդանոցների հիվանդների կյանքին: Չնայած նախազգուշացումներին՝ ԱԱԳ-ն նման գործիքներ մշակել է: Այսօր մենք տեսնում ենք, թե դա ինչ արժե»,- նշել է Սնոուդենը:
Ուրբաթ զանգվածային հաքերային գրոհ էր սկսվել Իսպանիայի եւ Պորտուգալիայի տարածքում, որից հետո WanaCrypt0r 2.0 վիրուսը տարածվել էր՝ վնաս պատճառելով 74 երկրում: Դրա զոհերն էին դարձել հիվանդանոցները, էլեկտրացանցերը, բանկերը: Ընդհանուր առմամբ՝ գրանցվել էր 45 հազար գրոհ:
