նախընտրելի դարձնելՖիլիպինների կոնգրեսի կոմիտեն մերժել է երկրի նախագահ Ռոդրիգո Դուտերտեի իմփիչմենթի պահանջը, հաղորդում է BBC-ն։
Արդարադատության կոմիտեի անդամները միաձայն դեմ են արտահայտվել նախագահի դեմ բողոքներին, որոնք ներկայացրել է ընդդիմադիր քաղաքական գործիչ Հարի Ալեխանոն։
Ալեխանոն Դուտերտեին մեղադրել է իր լիազորությունները չարաշահելու, առանց դատարանի որոշման թմրավաճառների եւ թմրամոլների սպանությունը հավանության արժանացնլու եւ երկրի ծովային սահմանների անվտանգությունն ապահովել չկարողանալու մեջ։
2016 թվականին ստանձնելով երկրի ղեկավարությունը՝ Դուտերտեն խոստացել է արմատախիլ անել երկրում թմրաբիզնեսն ու կոռուպցիան՝ անհրաժեշտության դեպքում միլիոնավոր կյանքեր զոհաբերելով։ Անցյալ տարվա դեկտեմբերին նա խոստովանել է, որ անձամբ է սպանել երեք թմրավաճառի։
