նախընտրելի դարձնել
Աստանայում՝ ԵԱՀԿ գագաթաժողովի շրջանակներում կայացել է Ադրբեջանի եւ Թուրքիայի նախագահներ Իլհամ Ալիեւի եւ Աբդուլլահ Գյուլի հանդիպումը:
Կողմերը մտքեր են փոխանակել ղարաբաղյան հակամարտության կարգավորման վերաբերյալ: Թուրքիայի նախագահը շնորհավորել է Ադրբեջանի նախագահին՝ խորհրդարանական ընտրությունների կապակցությամբ, գրում է ադրբեջանական Trend գործակալությունը:
Բացի այդ, Իլհամ Ալիեւը հանդիպել է նաեւ Նիդեռլանդների եւ Հունաստանի վարչապետներ Մարկ Ռուտտենի եւ Յորղոս Պապանդրեուի հետ:
Ինչպես արդեն նշել է NEWS.am-ը, դեկտեմբերի 1-ին Աստանայում մեկնարկել է ԵԱՀԿ գագաթաժողովը, որին մասնակցում է նաեւ Հայաստանի նախագահ Սերժ Սարգսյանի գլխավորած պատվիրակությունը: Պատվիրակության կազմում են ԱԳ նախարար Էդվարդ Նալբանդյանը, հատուկ հանձնարարությունների գծով դեսպան Արկադի Ղուկասյանը եւ նախագահի աշխատակազմի ղեկավարի տեղակալ Վիգեն Սարգսյանը:
