նախընտրելի դարձնելԱրարատի մարզում, սեպտեմբերի 6-ին, խոշոր ավտովթար է տեղի ունեցել. ժամը 20։00-ի սահմաններում Երեւան-Երասխ ավտոճանապարհի 33-րդ կմ հատվածում 49-ամյա Թաթուլ Թ.-ն իր վարած Mercedes մակնիշի 24 NV 444 համարանիշի ավտոմեքենայով բախվել է 40-ամյա Արթուր Խ.-ի զույգ կովերին։
Shamshyan.com-ի փոխանցմամբ, կովերը, որոնք անցնելիս են ճանապարհի երթեւեկելի գոտիով, տեղում սատկել են։
Այնուհետեւ նշված վայրում 37-ամյա Արամ Մ.-ն իր վարած Ford 350 մակնիշի 10 ՍՏ 565 համարանիշի ավտոմեքենայով բախվել է սատկած կովերին եւ կորցնելով ավտոմեքենայի կառավարումը՝ ավտոմեքենայի հետնամասով բախվել է ճամփեզրին կայանված Ford Transit մակնիշի 35 CF 512 համարանիշի ավտոմեքենային (վարորդ 44-ամյա Պետրոս Ղ.):
Աղբյուրի տեղեկություններով՝ վթարի հետեւանքով վարորդներից Թաթուլ Թ.-ն եւ Արամ Մ.-ի ուղեւոր 44-ամյա Ալիկ Մ.-ն մարմնական վնասվածքներով տեղափոխվել են Արտաշատի բժշկական կենտրոն։
