նախընտրելի դարձնելՀայոց բանակը պատկանում է ոչ միայն Հայաստանի քաղաքացիներին, այլ նաև հայկական ամբողջ սփյուռքին։ Հոկտեմբերի 13-ին լրագրողների հետ հանդիպմանը այդպիսի կարծիք է հայտնել Գերագույն խորհրդի նախկին պատգամավոր Վիգեն Խաչատրյանը՝ մեկնաբանելով զինվորական ծառայության օրենքում փոփոխությունների առաջարկը։
Նրա կարծիքով սփյուռքի ներկայացուցիչների համար, ովքեր այլ երկրների քաղաքացիներ են, պետք է հնարավորություն ստեղծվի ցանկության դեպքում ընդգրկվել Հայաստանի ԶՈւ շարքերում։ «Այս պարագայում ես հակասություններ չեմ տեսնում։ Այլ հարց է՝ մեր մոտ որքան կամավորներ կգան։ Գուցե 1000-ը, կամ գուցե 100-ը։ Հարցը թվերում չէ, այլ երևույթում», -նշել է Խաչատրյանը։
Հիշեցնենք, որ Կառավարությունը առաջարկել է ամբողջովին չեղարկել ուսման տարկետումը։ Քննադատները դա Հայաստանի բնակչության թվի կրճատման պատճառով զորակոչիկների պակասով թելադրված պարտադրված միջոց են համարում։
