նախընտրելի դարձնելԵղեգնաձորի թիվ մեկ հիմնական դպրոցում օրերս շինարարական աշխատանքների ժամանակ շինարարները վաղ շրջանի հնածո իրեր են գտել. Շինարարությունը դադարեցվել է:
Այս առնչությամբ, Տարածքային զարգացման հիմնադրամից NEWS.am_ին հայտնում են հետեւյալը.
«Ասիական զարգացման բանկի եւ ՀՀ կառավարության կնքած միջպետական համաձայնագրի շրջանակներում իրականացվող Սեյսմիկ անվտանգության բարելավման ծրագրի շրջանակներում Երեւանում եւ մարզերում նախատեսվում է կառուցել կամ վերակառուցել 46 դպրոց:
Կառավարությունը հաստատել է իրականացվող 20 ծրագրերի ցանկը, որոնցից 14-ը Երեւան քաղաքում, իսկ 6-ը մարզերում: Այդ ծրագիրն իրականացնող կառույցը Հայաստանի տարածքային զարգացման հիմնադրամն է:
Վայոց Ձորի մարզի Եղեգնաձոր քաղաքի թիվ մեկ հիմնական դպրոցի շինարարական աշխատանքներն իրականացնելիս, օրերս շինարարները հայտնաբերել են, նախնական գնահատմամբ, վաղ շրջանի հնածո իրեր: Արդյունքում, ժամանակավորապես դադարեցվել են շինարարական աշխատանքները:
Հիմնադրամը գրավոր դիմել է Մշակույթի նախարարությանը, որպեսզի, պատկան մարմինը, համաձայն կատարված եզրակացության, համապատասխան որոշումներ կայացնի հետագա աշխատանքների բնականոն ընթացքի վերաբերյալ»:
