նախընտրելի դարձնելՆոյեմբերի 26-ին, ժամը 13:16-ին ահազանգ է ստացվել, որ Երեւան-Սեւան ավտոճանապարհին՝ «Չայնիի ոլորաններ» կոչվող հատվածում, «Վանակատ» հյուրանոցի մոտակայքում, ավտոմեքենա է ընկել ձորը, կա տուժած. անհրաժեշտ է փրկարարների օգնությունը:
Դեպքի վայր է մեկնել հատուկ նշանակության փրկարարական աշխատանքներ իրականացնող կենտրոնի փրկարարական ջոկատը եւ մարզային ճգնաժամային կառավարման կենտրոնի օպերատիվ խումբը:
Պարզվել է, որ Երեւան-Սեւան Մ-4 ավտոճանապարհի 25-րդ կմ-ին Mercedes C մակնիշի 35 CT 229 պետհամարանիշով (վարորդ՝ 1992 թ. ծնված Մ. Ս.) ավտոմեքենան դուրս է եկել ճանապարհի երթեւեկելի հատվածից եւ գլորվել ձորը (մոտ 90 մ):
Մինչ փրկարարների՝ կանչի վայր հասնելը Մ.Ս.-ը եւ ուղեւոր՝ 1991 թ. ծնված Հ. Խ.-ը տեղի ուժերով տեղափոխվել են «Սուրբ Գրիգոր Լուսավորիչ» ԲԿ, որտեղ բժիշկները նրանց առողջական վիճակը գնահատել են միջին ծանրության:
Փրկարարները հոսանքազրկել են ավտոմեքենան եւ փակել գազի բալոնի փականը:
