Ռուսաստանի եւ Թուրքիայի նախագահներ Վլադիմիր Պուտինը եւ Ռեջեփ Էրդողանը քննարկել են մերձավորարեւելյան կարգավորման շուրջ ստեղծված իրավիճակը ՄԱԿ Գլխավոր ասամբլեայի կողմից Երուսաղեմի կարգավիճակի մասին բանաձեւի ընդունման համատեքստում:

Կրեմլի մամուլի ծառայությունից հայտնում են, որ կողմերը վերահաստատել են պատրաստակամությունը  նպաստել  պաղեստինա-իսրայելական հակամարտության կարգավորմանը միջազգային իրավունքի նորմերի եւ անկախ պետություն ստեղծելու պաղեստինյան ժողովրդի իրավունքի իրականացման հիման վրա։

Շարունակվել է Սիրիայում տիրող իրավիճակի  զարգացումների շուրջ կարծիքների փոխանակումը: Հաստատվել է կայուն քաղաքական կարգավորման հասնելու համար ռուս-թուրքական համագործակցության պահանջը եւ արդյունավետությունը:

Զրուցակիցները հույս են հայտնել, որ այս օրերին Աստանայում ընթացող  Սիրիայի հարցով  8-րդ միջազգային հանդիպման ժամանակ հնարավոր կլինի համաձայնության գալ Սոչիում Սիրիայի ազգային երկխոսության կոնգրեսի հանդիպման կոնկրետ ասպեկտների շուրջ:

Անդրադարձ է  կատարվել նաեւ բոլոր բնագավառներում երկկողմ համագործակցության հաջողությամբ  իրականացվող հարցերին:

• Իսրայելը չի ընդունում ՄԱԿ ԳԱ-ի քվեարկությունը 

• Հայաստանը ՄԱԿ ԳԱ-ում կողմ է քվեարկել Երուսաղեմի ճանաչումը դատապարտող բանաձեւին

• Նիկի Հեյլին սպառնում է ՄԱԿ անդամ երկրների ֆինանսավորումը կրճատել