նախընտրելի դարձնելՍանկտ Պետերբուրգի Նեւայի շրջանային դատարանը կալանավորել է Զուլֆիա Սաիդմուրատովային, որը մեղադրվում է իր հանցակցի հետ երեխաներ տեղափոխող ավտոբուսի վարորդի վրա հարձակվելու համար, հաղորդում է «Ինտերֆաքսը»:
Քաղաքի դատարանների միավորված մամուլի ծառաությունը հայտնել է, որ խուլիգանության մեջ մեղադրվող կինը կալանավորվել է մինչեւ փետրվարի 27-ը:
«Որոշման մեջ դատարանը քննիչի ուշադրությանն է արժանացրել Սաիդմուրատովայի մանկահասակ երեխային ազգականներին կամ համապատասխան սոցիալական հաստատություն տեղափոխելու անհրաժեշտությանը», - ասվում է հաղորդագրությունում:
Ավելի վաղ դատարանը կալանավորել էր նրա ենթադրյալ հանցակցին՝ Ալիզադե Մուսթաֆաեւին:
Նրան սպանութան փորձի մեղադրանք է ներկայացվել:
Դեկտեմբերի 25-ի երեկոյան ճանապարհային վեճի ժամանակ ծնունդով Ադրբեջանից 44-ամյա Մուսթաֆաեւը Սաիդմուրատովայի հետ հարձակվել էր երեխաներ տեղափոխող ավտոբուսի վարորդի վրա:
Մուսթաֆաեւը տուժողին դանակով բազմաթիվ հարվածներ էր հասցրել: Վարորդը ծանր վիճակով հոսպիտալացվել էր:
Մուսթաֆաեւը ձերբակալվել էր դեկտեմբերի 27-ին, իսկ Սաիդմուրատովան դեկտեմբերի 28-ին:
