նախընտրելի դարձնելԵրեկ՝ մարտի 6-ին, կողոպուտի դեպք է տեղի ունեցել Երեւանում։ Ժամը 20։10-ի սահմաններում Հերացու անվան թիվ 1 համալսարանական հիվանդանոցից Ոստիկանության Արաբկիրի բաժին ահազանգ է ստացվել, որ Երեւանի 1-03 շտապօգնության հերթապահ խումբը իրենց մոտ է տեղափոխել մի քաղաքացու, ով ստացել է «վերին շրթունքի շրջանի կտրած-ծակած վերք» վնասվածք։
Shamshyan.com-ի փոխանցմամբ, ոստիկանները պարզել են, որ վիրավորը Երեւան քաղաքի բնակիչ, 69-ամյա Համլետ Սողոյանն է, որը ոստիկաններին հայտնել է, որ նույն օրը, ժամը 18։00-ի սահմաններում Ազատության պողոտայի թիվ 19 հասցեի մոտ իրեն անծանոթ, 2 անհայտ անձինք հարձակվել են իր վրա, նրանցից մեկը բռունցքով հարվածել է իր դեմքին, գցել գետնին, որից հետո իր տաբատի գրպանից բացահայտ հափշտակել իր մոտ եղած 2600 ԱՄՆ դոլարը եւ դիմել փախուստի։
Փաստի առթիվ նյութեր են նախապատրաստվում։
