նախընտրելի դարձնել«Հերացի» թիվ 1 համալսարանական հիվանդանոցային համալիրում այժմ բուժում է ստանում ապրիլի 16-ին Երեւանի փողոցներում անցկացված բողոքի ակցիայի ընթացքում տուժած երկու քաղաքացի:
Ինչպես NEWS.am-ին հայտնել են հիվանդանոցում, նրանցից մեկը գտնվում է դիմածնոտային վիրաբուժության բաժանմունքում, երկրորդը՝ սրունքի կոտրվածքով՝ ինտենսիվ թերապիայի բաժանմունքում: 1974 թվականին ծնված սրունքի կոտրվածքով քաղաքացին տառապում է նաեւ լեյկոզով:
Ընդհանուր առմամբ «Հերացի» հիվանդանոց 11 մարդ էր տեղափոխվել, որից 9-ը արդեն իսկ դուրս է գրվել:
Հիշեցնենք, որ ապրիլի 16-ին Երեւանի Բաղրամյան պողոտայում ոստիկանական ուժերը ցուցարարների դեմ հատուկ միջոցներ էին կիրառել, ինչի հետեւանքով վնասվածքներ էր ստացել ընդհանուր առմամբ 46 մարդ, նրանցից 6-ը ոստիկաններ էին:
Առողջապահության նախարարության տվյալներով՝ ապրիլի 17-ի ժամը 09.00-ի դրությամբ Երեւանի 12 բուժհիմնարկներում շարունակում է բուժում ստանալ 12 տուժած քաղաքացի:
Ապրիլի 13-ից Երեւանում Քաղաքացիական պայմանագիր» կուսակցության կողմից կազմակերպված բողոքի ակցիաներ են ընթանքում ընդդեմ ՀՀ վարչապետի պաշտոնում Սերժ Սարգսյանի հնարավոր ընտրման:
- Վիրահատված ոստիկանի վիճակը գնահատվում է բավարար. Անատոլի Գնունի
- Ոստիկանությունը ջրցան մեքենա է բերել Բաղրամյան պողոտա (ֆոտոռեպորտաժ)
- Լարված իրավիճակ Բաղրամյանում. Փաշինյանն անցավ փշալարը. ոստիկանությունը հատուկ միջոցներ կիրառեց (ֆոտոռեպորտաժ)
- Նիկոլ Փաշինյանը տեղափոխվել է «Նաիրի» ԲԿ (Ֆոտո)
- «Բախմա՞ն եք տանում, ի՞նչ եք շահելու». Բաղրամյան պողոտայում ցուցարարները ճեղքեցին շղթան ու հասան փշալարերին (Ֆոտո)
