Իսրայելի զինվորականները Դամասկոսից դեպի  հարավ գտնվող տարածքներին հարված են հասցրել, հաղորդում է «ՌԻԱ Նովոստին»` վկայակոչելով սիրիական հեռուստատեսությունը: Հարձակման է ենթարկվել Քիսվա շրջանը: Հանրապետության հակօդային պաշտպանությունը օդից հարձակումը հաջողությամբ հետ է մղել:

Իսրայելի Պաշտպանության ուժերի մամուլի ծառայությունը հրաժարվել է մեկնաբանել այս տեղեկությունները:

Ավելի վաղ հայտնի էր դարձել, որ մամուլի ծառայությունը Իսրայելի հետ Սիրիայի սահմանի տարածքում իրանական ուժերի կողմից  կասկածելի ակտիվություն է գրանցել: