նախընտրելի դարձնել
Մայիսի 18-ին Մոսկվայի քաղաքային դատարանի վճռաբեկ ատյանը կքննի օրենքով գող Շաքրո Մոլոդոյի, որը համարյա 10 տարվա ազատազրկման է դատապարտված, (Զախարի Կալաշով) կալանավորման ժամկետը մի քանի անգամ երկարաձգելու մասին դատախազության բողոքը: Այս մասին «ՌԻԱ Նովոստիին» հայտնել է դատարանի մամուլի քարտուղար Ուլյանա Սոլոպովան:
Մոսկվայի քաղաքային դատարանը կքննի դատախազության երկու վճռաբեկ բողոքները:
Ինչպես պարզաբանել է դատարանի ներկայացուցիչը, դատախազը բողոքարկել է կալանքի երկարաձգումը միայն Կալաշովի, Նիկոլայ Նիկոլաեւի եւ Գերսոն Գամիդովի նկատմամբ:
Ավելի վաղ, Մոսկվայի Նիկուլինսկի դատարանը հրապարակել էր վերջին տարիների ամենաաղմկահարույց քրեական պատմության մասնակիցների դատավճիռը: Այսպես կոչված «օրենքով գող» Շաքրո Մոլոդոյը (Զախարի Կալաշով) դատապարտվեց խիստ ռեժիմի գաղութում ինը տարի եւ տաս ամիս ազատազրկման, նրա ամենամտերիմ ընկեր, Իտալացի մականունով Անդրեյ Կոչույկովը`ութ տարի եւ տաս ամիս ազատազրկման, իսկ մնացածները յոթից մինչեւ ինը տարվա ազատազրկման խիստ ռեժիմի գաղութում:
