Մեծ Բրիտանիան, Ֆրանսիան եւ Գերմանիան ԱՄՆ-ին կոչ են արել ազատել եվրոպական ընկերություններին ցանկացած պատժամիջոցներից, որոնք Վաշինգթոնը մտադիր է սահմանել Իրանի դեմ միջուկային համաձայնագրից դուրս գալուց հետո, փոխանցում է Reuters-ը։

Հրապարակված երեք երկրների նախարարների նամակում նշվում է, որ նրանք շատ են ցավում ԱՄՆ նախագահ Դոնալդ Թրամփի որոշման համար հրաժարվել Իրանի համաձայնագրից, որին միացել էին նաեւ վերոհիշյալ երկրները։

Բրիտանիայի արտգործնախարար Բորիս Ջոնսոնը, Ֆրանսիայի ֆինանսների նախարար Բրունո Լե Մեյրը եւ Գերմանիայի ֆինանսների նախարար Օլաֆ Շոլցը հայտարարել են, որ ցանկանում են, որ ԱՄՆ-ն արտոնություններ տրամադրի ԵՄ երկրներին, որոնք բիզնես են իրականացնում Իրանում։  

Նրանք նաեւ նշել են, որ Իրանը չպետք է բացառվի միջազգային դրամական փոխանցումների SWIFT համակարգից։ Նախարարները հաստատել են իրենց կարծիքը, որ Իրանի հետ համաձայնագիրը լավագույն միջոցն է Իրանի միջուկային գերտերություն վերածվելը կանխելու համար։

Նրանք նաեւ նախազգուշացրել են, որ այս գործարքից Իրանի դուրս գալը «ավելի կապակայունացնի տարածաշրջանը, որտեղ լրացուցիչ հակամարտությունները աղետալի կլինեն»: