նախընտրելի դարձնել
Հայաստանի քրեակատարողական հիմնարկներում պրոֆեսիոնալ կադրերի պակաս է զգացվում: Այս մասին հունիսի 26-ին Խոշտանգումների զոհերի պաշտպանության միջազգային օրվան նվիրված միջոցառմանն ասաց ՀՀ օմբուդսմեն Արման Թաթոյանը: Նրա խոսքով՝ այս խնդրի պատճառներից մեկը, որն արդեն գլոբալ բնույթ է կրում, քրեակատարողական հիմնարկներում աշխատակիցների ոչ պատշաճ սոցիալական ապահովումն է: «Հաճախ հարց է բարձրացվում բանտարկյալների համար ոչ պատշաճ պայմանների մասին, սակայն մի մոռացեք, որ քրեակատարողական հիմնարկներում անձնակազմն աշխատում են նույն պայմաններում եւ, հետեւաբար, նույն ռիսկերին է ենթարկվում, ինչ բանտարկյալները», - ասաց օմբուդսմենը:
Խոսելով բանտարկյալների իրավունքների մասին՝ նա նշեց, որ անձը պետք է իրենց հարցերին պատասխաններ ստանալու իրավունք ունենա եւ դատավճռի հրապարակումից հետո պետք է նաեւ հնարավորություն ունենա հարցեր ուղղել դատարանում իրենց դեմ հանդես եկած վկաներին:
Արման Թաթոյանը նաեւ հիշեցրեց քրեակատարողական հիմնարկներում երկարատեւ այցելությունների եւ համապատասխան բժշկական ծառայությունների տրամադրման խնդիրների մասին: «Բոլոր վերոնշյալ խնդիրները պետք է լինեն թե օմբուդսմենի գրասենյակի, թե պետական կառույցների ուշադրության կենտրոնում», - եզրափակեց օմբուդսմենը:
