«Եվրոպական Վրաստան՝ շարժում հանուն ազատության» ընդդիմադիր կուսակցությունը խորհրդարանի նախկին խոսնակ Դավիդ Բակրաձեին առաջադրել է որպես երկրի նախագահական ընտրությունների թեկնածու,հայտնում է «Նովոստի Գրուզիան»։

Ընտրությունները կանցկացվեն այս տարվա աշնանը։

Նախագահական ընտրությունների ամսաթիվը կհայտարարվի քվեարկությունից 60 օր առաջ։

Բակրաձեն առաջադրվել է կուսակցության համագումարում, որն անցկացվել է Քութաիսիի սպորտի պալատում։

Դավիդ Բակրաձեն 2013 թվականին արդեն առաջադրվել է նախագահական ընտրություններում։ Այն ժամանակ նա «Միացյալ ազգային շարժում» կուսակցության թեկնածուն էր եւ զբաղեցրել է 2-րդ տեղը՝ պարտվել գործող նախագահ Գեորգի Մարգվելաշվիլիին։