ՆախընտրելիԱՄՆ նախագահ Դոնալդ Թրամփը կարծում է, որ Apple-ի արտադրանքի գները կբարձրանան Չինաստանից ներկրվող ապրանքների համար նոր մաքսատուրքերի սահմանումից հետո: Այս մասին, ՏԱՍՍ-ի հաղորդմամբ, Ամերիկայի առաջնորդը շաբաթ գրել է Twitter-ում:
«Apple-ի գները կարող են բարձրանալ մասքատուրքերի պատճառով, որոնք մենք կարող ենք սահմանել ներկրվող չինական ապրանքների համար, սակայն կա պարզ որոշում, որի դեպքում զրոյական հարկեր կլինեին, -գրել է Թրամփը: Սկսեք արտադրել ձեր արտադրանքը ԱՄՆ-ի, այլ ոչ թե Չինաստանի տարածքում: Սկսեք նոր գործարաններ կառուցել հենց հիմա»:
Apple prices may increase because of the massive Tariffs we may be imposing on China - but there is an easy solution where there would be ZERO tax, and indeed a tax incentive. Make your products in the United States instead of China. Start building new plants now. Exciting! #MAGA
— Donald J. Trump (@realDonaldTrump) 8 сентября 2018 г.
Ավելի վաղ Apple-ը նամակ էր հղել ամերիկյան իշխանություններին, որում նշել էր, որ մաքսատուրքերը կազդեն ընկերության արտադրանքի վրա, այդ թվում Չինաստանի գործարաններում հավաքվող Apple Watch սմարթ ժամացույցների եւ AirPods անլար ականջակալների վրա:
