նախընտրելի դարձնել
Հունվարի 5-ին ողբերգական դեպք է տեղի ունեցել Լոռու մարզում․ հայտնում է shamshyan.com-ը։
Ժամը 14:30-ի սահմաններում Վանաձորի բնակիչ, 52-ամյա Արայիկ Մամյանը իր վարած Opel մակնիշի ավտոմեքենայով Լուսաղբյուր գյուղում դուրս է եկել ճանապարհի երթեւեկելի գոտուց եւ հայտնվել գազատար խողովակի տակ:
Վարորդը տեղում մահացել է, իսկ 4 ուղևորները բժշկական հետազոտման նպատակով տեղափոխվել են Սպիտակի բժշկական կենտրոն։
Փրկարարները ավտոմեքենայից դուրս են բերել մահացածի դին:
Սպիտակի քննչական բաժնում նյութեր են նախապատրաստվում: Քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական:
Ըստ նախնական տեղեկությունների՝ վարորդը հանկարծամահ է եղել, ավտոմեքենայում եղել է նրա մայրը, ընտանիքի անդամները:
Գ. Շամշյանի տեղեկություններով՝ Ա. Մամյանը աշխատում էր ՀՀ կառավարությանն առընթեր Վանաձորի հարկային տեսչությունում: Ֆոտոլրագրողը հայտնում է նաև, որ ճանապարհը անցանելի էր, ոչ մի խոչընդոտ չի եղել:
