նախընտրելի դարձնել
Ռադեն քաղաքում փակվել է Գերմանիայի վերջին մորթատու ջրաքիսների ֆերման, գրում է Deutsche Welle-ն:
Պատճառը կենդանիների պաշտպանների կողմից ճնշումն է դարձել: Մարտին Կենդանիների պաշտպանության բյուրոն կազմակերպության կայքում տեղադրել էր դրոններով նկարահանված տեսանյութ, որը ցույց էր տալիս կենդանիների բազմացման անընդունելի պայմանները. ջրաքիսները պահվում էին նեղ վանդակներում եւ տանջվում ջրի պակասից:
Ֆերմա ժամանած Հյուսիսային Ռեյն-Վեսթֆալիա հողի անասնաբուժական գերատեսչության տեսչությունը հայտանբերել էր դատարկ վանդակներ եւ փակված արտադրություն:
Ֆերմայի սեփականատերը, ով 20 տարի զբաղվել է ջրաքիսների բազմացմամբ, հաստատել է, որ բիզնեսի փակել է հասարակական ճնշման եւ խիստ անասնաբուժական ստուգումների պատճառով:
Նա նշել է, որ եթե ջրաքիսներն իրականում հիվանդ լինեին, մորթու որակը թույլ չէր տա վաճառել դրանք:
Ռադենում գազանաֆերման 2017-ից դիմանում էր այն բանից հետո, երբ գազանաֆերմայում կենդանիներին պահելու պայմանների մասին օրենքն այնքան էր խստացել, որ բիզնեսը վնասաբեր էր դարձրել:
2018-ին Versace իտալական նորաձեւության տան ղեկավար Դոնաթելա Վերսաչեն հրաժարվել էր հագուստի կամ աքսեսուարների ստեղծման ժամանակ մորթու օգատգործումից: Նույն դիրքորոշումն էին հայտնել նաեւ Gucci, Michael Kors եւ Jimmy Choo նորաձեւության տները:
