Թուրքիայի նախագահ Աբդուլահ Գյուլը ստորագրել է «Ադրբեջանի եւ Թուրքիայի միջեւ ռազմավարական համագործակցության եւ փոխօգնության մասին պայմանագիրը վավերացնելու մասին» օրենքը, հաղորդում է 1news.az-ը` վկայակոչելով թուրքական լրատվամիջոցները:

Հիշեցնենք, որ այս պայմանագիրը ստորագրվել էր 2010 թվականի օգոստոսի 16-ին` Թուրքիայի եւ Ադրբեջանի նախագահների կողմից:

Պայմանագիրը ենթադրում է երկկողմ սերտ համագործակցություն, մասշտաբային, բազմամակարդակ փոխգործակցություն եւ արտացոլում է պատմականորեն ձեւավորված սերտ կապերը երկու ժողովուրդների միջեւ: