Իրանում ձերբակալվել են թյուրքախոս իրանցիների, որոնք մասնակցել են` Ուրմիա լճի չորացումը կանխարգելել պահանջող ակցիային: Բողոքի ակցիաններն անցկացվել են Ուրմիա, Թավրիզ, Գոշաչայ քաղաքներում, եւ կանխվել են իրավապահների կողմից:

Որոշ բողոքավորների ծեծի են ենթարկել, ձերբակալվել է ավելի քան 100 մարդ, ավելի ուշ նրանց մի մասն ազատ  է արձակվել:

Ցույցի ընթացքում 50 հոգի ստացել է տարբեր աստիճանի մարմնական վնասվածքներ, նրանցից 4-ը ծանր վիճակում են, տեղեկացնում է APA գործակալությունը` վկայակոչելով  «Գյունեյ Ադրբեջան» Զզգային զարթոնք շարժման ներկայացուցչությունը:

Ակցիայի ընթացքում հնչել են ոչ միայն բնապահպանական կարգախոսներ` «Հեռացրեք պատնեշները, լցրեք Ուրմիա լիճը», այլեւ` «Ուրմիա լիճը չորանում է, եթե Ադրբեջանը չարթնանա, ապա` կպարտվի», «Կեցցե Ադրբեջանը» եւ այլն: