նախընտրելի դարձնել
Կառավարությունն իր այսօրվա՝ հոկտեմբերի 24-ի նիստում, որոշում կայացրեց բավարարել «ԱԷՍ ԹՐԵՅԴ» ՍՊԸ-ի կողմից ներկայացված հայտը գերակա ոլորտում իրականացվող ներդրումային ծրագրի շրջանակներում ներմուծված (ներմուծվող) տեխնոլոգիական սարքավորումները, դրանց բաղկացուցիչ ու համալրող մասերը, հումքը և նյութերը ներմուծման մաքսատուրքից ազատելու արտոնությունից օգտվելու համար:
Հարցը ներկայացրեց Էկոնոմիկայի նախարար Տիգրան Խաչատրյանը, ով նշեց, որ ընկերությունը գործում է Երեւանում 2013-ից, զբաղվում է լուսափաթանց կոնստրուկցիաներով դռների եւ պատուհանների արտադրությամբ:
«Այս ծրագրի շրջանակներում ընկերությունը նախատեսում է իրականացնել
7մլրդ 686 մլն դրամ արժեքով հումք: Ներկայումս ընկերությունում աշխատում է 64 աշխատակից: Այս ծրագրի իրականացման արդյունքում եւս 30-40 նոր աշխատակիցներ կավելանան՝ 145 հազար դրամ միջին աշխատավարձով»,-ասաց նախարարը՝ հավելելով, որ այս ծրագրով արտադրվող արտադրանքը գնահատվում է 8,8 մլրդ դրամ, որի 70-80 տոկոսը կիրացվի ՀՀ-ում:
Կառավարության մեկ այլ որոշմամբ արտոնություն տրվեց հայտնի գործարար Խաչատուր Սուքիասյանին պատկանող «ՍԻԼ-ՄԱԱԶԱ» ՍՊԸ-ին: Մասնավորապես, ներդրումային ծրագրի շրջանակներում 2019 թվականի հոկտեմբերի15-ից մինչև 2021 թվականի դեկտեմբերի 31-ը ներառյալ ներմուծվող ապրանքների ավելացված արժեքի հարկի վճարման ժամկետը հետաձգվեց ներմուծման հայտարարագրման օրվանից հաշված 3 տարի ժամկետով:
Տիգրան Խաչատրյանը նշեց, որ այս ընկերությունը զբաղված է հյութերի, զովացուցիչ ըմպելիքների արտադրությամբ: «Այս ծրագրով ընկերությունը պատրաստվում է ձեռք բերել շշերի կաղապարներ: Նաւե պատրաստվում է ավելի ուշ ներդրումներ անել ավելի բարձր արտադրողականությամբ շշալցման հոսքագծեր ձեռք բերելու միջոցով եւ ընդլայնել արտադրատեսականին:
Այս ծրագրով նախատեսվում է իրականացնել մոր 119 մլն դրամի ներդրումներ, որից սարքավորումների արժեքը կկազմի 93 մլն դրամ: Այս ընդլայնման արդյունքում ընկերությունում կստեղծվի 17 նոր աշխատատեղ՝ 19-60-170 հազար դրամ միջին աշխատավարձով»,-ասաց նախարարը:
