Լոնդոնում կբացվի Հեշտոցի թանգարան։ Ինչպես տեղեկացնում է AP-ը, թանգարանին կտրվի ալկոհոլի արտոնագիր, չնայած բնակիչների երկյուղներին, որ այն կարող է դառնալ աղմկալի երեկույթների վայր։

Հեշտոցի թանգարանը կբացվի նոյեմբերի 16-ին Լոնդոնի Camden Market-ում, «գինեկոլոգիական անատոմիայի եւ առողջության մասին գիտելիքների տարածման նպատակով»։

Սա «աշխարհում առաջին թանգարանն է՝ նվիրված հեշտոցին»,- ասվում է նրա վեբ-կայքում։

Թեեւ թանգարանը լայն աջակցություն է ստացել, նրա՝ ալկոհոլի արտոնագիր ստանալու հայտարարությունը անհանգստացրել է տեղի բնակիչներին, որոնք զգուշանում են այնտեղ բուռն երեկույթների անցկացումից։

Չնայած երկյուղներին՝ արտոնագրման հանձնաժողովը թանգարանին տվել է ալկոհոլի արտոնագիր։

Թանգարանի տնօրեն Ֆլորենս Շեհթերը հայտարարությունում ասել էր, որ այդ որոշումը «պատիվ էր իր համար»։

Սկզբում թանգարանը թույլտվություն է խնդրել ալկոհոլ վաճառել ժամը 10.00-ից մինչեւ 23.30-ը, երկուշաբթիից հինգշաբթի եւ կիրակի, ինչպես նաեւ ժամը 10.00-ից մինչեւ կեսգիշեր, ուրբաթ եւ շաբաթ օրերին։

Բայց հետո լրացում է մտցվել երկուշաբթիից կիրակի ալկոհոլ վաճառել ժամը 18.00-ից մինչեւ 22.30-ը, տեղեկացրել է Camden-ի խորհրդի ներկայացուցիչը։

Թանգարան միաժամանակ կարող է մտնել 100 մարդուց ոչ ավելի։

Այն կբացվի «Առասպելներ հեշտոցի մասին եւ ինչպես պայքարել դրանց դեմ» ցուցադրությամբ։