նախընտրելի դարձնել
Դատարանը Պակիստանի նախկին վարչապետ Նավազ Շարիֆին առողջական վիճակով պայմանավորված գրավով ազատ է արձակել, որ նա կարողանա դիմել բժշկական օգնության, փոխանցում է AP-ն:
Շարիֆի եղբոր՝ Շահբազ Շարիֆի միջնորդությունից հետո որոշումը կայացրել է Լահորի գերագույն դատարանը:
Երկուշաբթի Նավազ Շարիֆը Լահորի պետական հիվանդանոց է տեղափոխվել այն բանից հետո, երբ նրա առողջական վիճակը վատթարացել է: Նա այնտեղ է մնացել բանտային իշխանությունների հսկողության տակ:
Երեք անգամ վարչապետի պաշտոնը զբաղեցրած 69-ամյա Շարիֆը առողջական խնդիրներ ունի, ներառյալ սրտի հիվանդություններ:
Սակայն փաստաբան Աշտար Աուսաֆն ասում է, որ դատական իշխանությունները չեն կարող Շարիֆին անմիջապես ազատել, մինչեւ հաջորդ շաբաթ չքննեն մյուս վերաքննիչ բողոքը:
